Chinkhanmanga, III Year B.A (Govt. Johnson College Annual Magazine 2012-2014)
A chung a kan tarlan atang hian NSS in Maga Camp a buatsaih dan kan hrechiang tawh ang a, Mega Summer Camp-2012 pawh Ministry of Youth Affairs & Sports leh NSS Cell Andra University, Visakhapatnam (Andra Pradesh) tangkawp chuan an buatsaih (organised) a ni. India ram state hrang hrang U.T tel in, zirlai (NSS Volunteers) mipa-6, hmeichhia-6 leh Programme Officer (P.O)- 1 theuh state tin atang a tel tura sawm/koh a ni a, Mizoram state atang a tel turin, Govt. Johnson College, Govt. J.Thankima College leh Govt. Zirtiri Residential Science College te atang in Mipa-2 leh Hmeichhia-2 theuh a ni. A hnuai a mi te hi kan college atang a tel tur a thlan/ tirh te an ni a, kan P.O te duhsakna zarah thlan ka ni hi ka lawm hle a ni:-
1. Michael Zonuntluanga, III Year B.A
2. Chinkhanmanga, III Year B.A
3. Elizabeth Lallianzami Hrahsel III Sem. B.A
4. Lalruatsangi, III Sem. B.A
Tichuan, Govt. J.Thankima College P.O Sir, Lalngaihawma, Asst. Proff. kaihhriaina inMizoram state aiawh a tel tur zirlai 12 te chu Zadang tlawm tur an sawi ang mai in vawi duailo kan in hmukhawm ta a, hla te zir in kanin buatsaih nasa ve hle a ni.
KALKAWNG: Date 2nd June, 2012 (Sat) khan Thuampui, Aizawl a tang in Gauwhati pan in Capital Travel ah kan chuang a,a then Vairengte la pel lo kan nih a vang in kan hlim tlang hle mai a, zan ah ruah surin Michela a leih huh vek ti mai lo chu harsat na liam tham lutuk tawk lo in a tuk Date; 3rd June, 2012 (Sun) 2:00 PM vel khan Gauwhati kan thleng thla a, ruah a sur duh em em a ni. Gauhati ah Vandana Hotel ah thleng in, Mizo Hotel ah ngei Chaw kan ei thin a, a zana Gawuhati a bo te kan awm hnuin a tukah Visakhapatnam kalna tur Train Ticket kha Waiting List ah ala awm avangin kan buaipui a, a fel mai theih loh avang in haw leh te rilru ah a awm hman hial a ni. Mithanemngai te tawngtaina zarah a tuk Date; 4th June, 2012 nilengin kan P.O hoin kan buaipui ngial a, Dispur ah te kalin North East Railway Office hmunpui te kan va dawr hnu ah Seat 13 turah Seat 6 chiah min pe (Confirm) hram a, haw leh ai ah kaltlang kan
duh theuh avang in Date; 5/6/2012 zing dar 5:00 vel ah Seat 6 ah mi 13 kan in hnawh thla ta a ni.Bhubaneshwarah te thawchham a thi tep te kan awm hnuin Visakhapatnam chu ni 6/6/2012 dar 4:00 vel ah kan thleng hram a, reilo te kan nghah hnuin Andhra University Bus in min lo lam a, kan thlenna tur Hostel ah min thlah a, a thim zui ta mai a ni.
HUN HMAN DAN: Rail Ticket a kan tluan loh avangin ni khat in kan tlai a, Volunteers dang ten ni khat in min lo hlep a ni. A tuk zing takah min kaitho a, kan thawh veleh Vaiho chu pawnah an lo phu suau suau ta mai a, YOGA an neih hlanin kan Kristianna chhuanlam in kan Cell ah kan lo mu mai mai a, inbualna hun atan te kan lo hmangthin a ni. Zing dar 8:00 leh dar 9:00 chhungin Breakfast kan nei thin a, chumi hnu ah chuan Academic Session chu Dr. B.R.Ambetker Hall ah te, Economics Auditorium ah te kan hmang/ nei thin a ni.He Academic
Session ha dar 9:00 am atangin dar 12:00pm vel thleng kan nei tlangpui a, lunch kan ei hnu ah dar 3:30pm thleng Skill Learning Programme kan nei thin a, Dar 4:00pm-5:00pm chhungin Question Answer etc.. Competition hrang hrang nei a hun hman thin a ni. Zan tin dar 6:00pm-8:00pm chhung in Cultural Programme hlimawm tak neih a ni thin a, chumi zawh ah Dinner neih thin a ni. a khat tawk in thingpui in zeuh zeuh a ni mai a, Dar 9:30 pm- 10:00pm chhung hian P.O te leh Volunteer te inkawm ho na hun min siam sak thin a ni.
A chung a kan tarlan tak Academin Session ah hian nitin Professor leh hming bula Dr. tih dah eng eng emaw University a thawk, hmel en mai pawh a fin tih hriat reng reng te hian Subject hrang hrang min zirtir thin a, Projector hmangin Power Point nen min zirtir bakah, Practical a an tih theih theih an entir nghal zel a, Film te, Documentary te kan en ho a an strick em em mai a ni. Comsumer te, Environment te, Encourage (Huaisenna) te, Polution Control te, Hlawhtlinna chungchang te, AIDS Awarness te, Legal (Dan) te, First Aid te, Manner and Eticheaque te leh midang te tanpui chung chang te min zirtir thin a, a tha em em a ni. Vaitawng (Hindi) a Lecture an pek chang a khawlum nen mutthluk san a awl mai poh a, tin, Lu leh pum te a na der thut thut thin tih loh ah chuan, kan ngaithla tha em em a ni.
Zan tin hian Cultural Programme a awm ziah a, State tin hian Item kan in neih chhawk ziah a, Time Table ah Mizoram min tel loh avang in kan lo in thlahdah hman a, kan Programme Official ten min ziak/ telh leh hnuhnawh in Cheraw (Bamboo Dance) min request a, hei hi Academic Session a tel loh chhuanlam a hmangin kan in rin lawk loh a nih avangin nileng in kan zir theih phah a, Official ten min duat em em a chhang man to tak tak te min lei bik bik a ni. Michaela Instructor kaihhruaina hnuaiah kan zir ta a, a step then lai lai kan siamrem hnuin kan Show ta mai chu kan lar ta em em a, celebrities kan gnhal ta mai a, a tuk chanchinbi Local leh National ah te kan lang ta chuai chuai mai a ni. Hnam dang te paw’n an hnam lan chu hrang hrang hmuhnawm tak tak an entir a, mit leh beng a ti tlai hle a ni.
Academic Session ah leh Cultural Programme ah te hian Delhi lam atangin Hotulian leh Andra Pradesh State Official te, NSS hotu lawk tak tak ten min telpui/ Uap thin a, a nuam dangdai in a phuisui em em a ni. Mizoram palai Volunteer te hi Stage ah pawh kan lan chho fo a, MIZO nih a nuam thin e. A chung a kan sawi ang hian Academic Session ni nga chhung date 6-12/6/2012 hun kan hmang a ni. Date 13-17/ 06/ 2012 chu kan sawi tawh angin Programme ah chuan Sightseeing tur a ni. Volunteer zawng zawng ten sightseeing tur a nih avang in pheikhawk (Sneeker), Track Paint leh T-Shirt te kan dawng hlawm a, Volunteer te chu Group hnih (2) ah min then hnu in Group khat te chu riak chhuak turin an in siam a, Bus lian pui pui 5/6 nen an in phur chhuak a lung leng tawk te pawh kan awm ta hial a ni. Keini Group-2 ah hian State pariat vel bkan awm a ni (Hmeltha an vang teh a.... ha2). Breakfast ei kham veleh kan group pawh Bus 5 a in phur chhuak in Visakhapatnam a Indira Gandhi Zooligical Park tlawh turin kan kal a ni. Ramsa leh Sava chi hranh hrang kan en kual a a mit a ti tlai hle a ni.
EI LEH IN: Visakhapatnam hi South India a ni a, ei leh in a danglan khawp mai a tui al deuh kan in thin a, Zo tui thiang hlut zia kan hre thar a, Itli/ Itlee an ti in ka hria leh Dal kan tlem te te, Dhoi chhe tawh ang te kan ring ta mai mai a, in adjust thiam a har em em mai a ni. A mah Mawitea tihdan tak ah, Tuifinriat kam a cheng an ni bawk a Banhla tha em em ban puam tiat tiat kan ei teuh thin tih mai loh chu ei teuh tur a awm lo a ni. Tui intur (Fefined Water) nitin an lo dah thin a, tin duh hun hun a duhtawk a inbual na tur tui chu a awm reng a ni.
A HMUNHMA LEH A MI CHENG TE: Sawi tak ang khan Andra University Campus ah kan thleng a, University Campus hi hectares 200 lei a zau a ni a, building 100 chuang a awm a ni.Tin, an University Lidrary hi india ram a University Library nei tha leh lehkhabu ngah ber panga na an ni a, tun hnai a India Today in India University Top 50 an thlan ah khan sawmpakhat na an ni nge nge a ni. Tun hmain Dr. S.Radakh Krishnan India President hlui hi Vice Chancellor in a lo tang tawh a ni. Universitu Campus atang a hla lo te ah hian Bay of Bengal tuipui a awm a ni.
Visakhapatnam hi khawpui enkawl that/ngaihsak em em a ni tih a hriat mai a, Visakhapatnam Urban Development Authority (VUDA) te hnathawh nasat zia leh enkawl that zia hi hjai rual a ni lo, khawi hmun ah pawh kal ila an sulhnu hmuh tur a lo awm teuh mai a ni. Sawi hmaih hauh loh tur chu kawng peng thuam zawng zawng khat tawk, kawng kawi tin mai ah hian Milim lian pui pui an din/ dan thluah a, India mi pawimawh te lim phei chu a kim vek a, sangha lim leh ramsa lim nen lam awm lo reng a awm lo. Tin, Visakhapatnam hi India sipai Navy te hmunpui a ni a, lawng chawlh hmun (Harbour) a awm avang in a lar phah hle a ni. Mi tamtak te eizawn na pawh Sangha man a ni a, Kristian sakhaw betu an lo awm nual a Inkhawm tur a sawmna pawh kan dawng nual a ni..
Helai vela cheng te hi ngo tak an vang em em a, Hindi aiin Sanskrit/ tamil tawng te an hmang uar zawk a ni. Tu pawh hi an polite in an nelawm em em a, mi puih mai an hreh lo a, kan harsatna a mi puih hi an chak zek chek emaw tih mai a awl hle. Visakhapatnam hi khualzinmi ten an tlawh nat avang in Hotel, Restaurant te a changkang em em a, dawr te pawh hi kan ram nen tehkhin chuan a changkang em em a, International level/ Standard in an kal a ni.
THUBELH: Cultural Programme a Cheraw kan Show kha News Paper a chhuah a nih mai bak ah, kan thlalak te hi hlai pui pui a tarlan a ni a, News a puan a nih avangin Visakhapatnam a School pakhat naupang leh ngah ber leh thaber a ngaih Sri. Prakash Vidyaniketan/ Sri. Prakash Educational Institution ten an school a cheraw entir turin kan NSS hotu te kaltlang in min sawm a, Date 15/06/2012 (Sat) khan naupang za tel hma a lam tur in kan kal a ni. Official takin min lo hmuak / dawngsawng a, pangpar thi te min awrhtir a ni. Naupang ten Autograph min ziak (sign) tir sup sup a, khap an ngai hial a dam man a awm ngawih ngawih a ni. Thla te kan lak ho hnuin thilpek hrang hrang min pe bawk a ni.
Visakhapatnam hi a lum em em mai a, degree 50 chuang te a ni thin a, zan a kan thawmhnaw suk te pawh zing ah a ro hman ziah a ni.
HAW KAWNG: Hun reitawk tak Andra University Campus a hun kan hman hnu in Vai hnam changkang tak tak Nula lo ngaizawng tawk te kan lo awm hman pek a, Dt. 17/06/2012 a lo thlen chuan kan haw a lo hun ta mai a, Campus pawn a Mittui nen Mangtha ti a vailian tu Anpai lanu an lo neo nual hi mak ka ti hran love, Mizo te hi kan hmel a tha in min lo ngaisang em a tin ni. Tin, kan haw kawng ah harsatna liantham tawk lo in Haorah kasn thleng a, Kolkata Mizoram House Baligang ah zan khat kan riak a ni. Hmun pawimawh kan tlawhkual hnu in Gawuhati kan thleng a, Gauhati ah zankhat kan riah hnuin Pathian zar ah kan Zawlkhawpui kan lo thleng leh ta a, thian te nen mahni in lam kan pan sang sang chu hnuk a ulh thelh a ni.
A TAWP NAN: Hetiang a ka damchhung a ka hun tawn ka theihngilh tawh ngai loh tur, hun pawimawh tak kan Programme Officer te duhsakna in Visakhapatnam ah NSS Mega Summer Camp- 2012 Mizoram leh kan College aiawh a ka tel thei hi ka lawm hle a ni. He zin report ziak tur a ruat ka ni hi ka vannei hle a ni. He kan zin atang hian MIZO nih hi azahpuiawm loh mai ni lo in, kan Hnam lam te, incheina te leh kan hmel, kan pianphung te hi a chhuanawm em em a, kan chhawmnun zel a pawimawh zia ka hmuchhuak a ni. Tin, zirlai te hian Mizoram mai ah kan ngaihtuahna seng lo in, ram pawh ah pawh kan ngaihtuahna leh rilru te pe in, hnathawk thei a, thawk ngam tur pawh in kan in chah duh a ni.