 |
| Zofest 2012 @Drachawi, Tripura |
Awle, Kumin 2012 ah hian ZOFEST hman leh ngei tumin MZP Gen. Hqr. chuan chak tak a hma la chho in Organising Committee a din a, MZP Gen. Hqr. Gen. Secy. Pu Lalhmachhuana Chairman na hnuai ah Organising Committee chuan a hlawhtlin ngei theih nan hma a la a he Kut ropui tak hman na tur a ke tang pakhat ni ve tura ruat ka ni hi, ka lawm em em rualin ka huphurh em em a ni. He Kut hglawhtlin nan a hma lak na hmasa atan a hmunhma te enfiah a tlawh turin kan Organizing Chairman ho in MZP chanchinbu Editor Pu Lalnuntawma Fanai nen kan pathum in Ni 9.9, 2012 (Sunday) tlai dar 4 vel khan Aizawl chhuahsanin Mamit kan pan a, Mamit MZP Hqr. a kan hruaituten min lo dawngsawng tha em em a, hetah hian riak nghalin a tuk Ni 10.9, 2012 (Monday) 5:00 am ah mamit chhuahsanin Zawlnuam kan pan a, kan hruaituten chawhlui min lo buatsaihsak chu kan kil ho hnuin ZOFEST thlenna tur Darchawi( Tripura ) lam panin kan kal a ni. Darchawi hmun hrechianga Zofest-2012 thlenna tur hmun te lo buaipuia a kul atai a hma lo la tu Pu Thangliana ( Behliangchhip ) hova kal in Tv. Zarzokima Bru hel te kut tuar a Nunna lo chan tu Bungthuam tlangval tawhsual tawh na hmun te kal pelin Kanhmun atangin Tripura ram kan kai a, Damchera ah lutin Panisagar kan pan a Mizoram kan pel a Tripura ( Rengram ) kan lut chu kawngpui a lo mam zuih mai a Phaizawl mawi tak tak te kan tlan pel zel a Komargath ( Pu Thangliana sawi dan in Khuma kai a ni a, hun a lo kal zel a, Vai hovin an lam thiam danin Komargath an ti a ni awm e ) atangin Darchawi kan lut phei a, Pu B. Lalrinmawia Chairman Gram Sabha chuan min lo dawnsawng a ni. Presbyterian Pastor Quarter ah Thingpui te in in kan chawl a Zofest kan neihna hmun tur field te kan
Tichuan Dar 4 pm ah Darchawi H.S.S ah Zofest chungchang Meeting kan nei a, he Meeting hi Pu B. Lalrinmawia’n a kaihruaia YMA, VDP leh Hnam Committee te atangin aiawh an rawn tel thei a ni. Pu Thangliana’n Zofest thleng tura a duh thu a sawi hnu ah Organising Chairman hnen a tangin report te ngaihthglak a ni. Darchawi pa ho in Zofest thleng tura kan va dilna chu an pawma chutih rualin Zofest awmzia erawh an lo la hre tlat lo mai a, a awmzia te kan Organising Chairman leh kan editor Pu manuna te’n an thiam ang tawkin an hrilhfiah hnuah an tui thar hnuhnawhin an V.C te Zofest thlen Support lo aiawha Meeting rawn tel an VCP Pu Thangliana pawh Pu Manuna leh Pu Anggua te Kahbe sep thiam na zarah a hmin ta em em a, zofest then hma hauhin He Kut hlawhtlinna kan hmu nghal mai hi kan lawm hle a ni. Member kal khawm te’n nguntaka kan sawi ho hnu in Zofest hlawhtlinna a tana Darchawia hma lo latu atan “Committee on Local Arrangement (COLA) of Zofest-2012“ chu lungrual taka din a ni a, he Committee ah hian Pu Rinmawia chu chairman ni in Pu Thangliana chu secretary a tan ruat nghal a ni a, an phur tlang hle a ni.
Darchawi hruaitu te nen chawhlui kan kilho hnu ah Behliangchhip a riak turin Zampui tlangdung zawhin kan kal a, MZP hruaitu ten min dawngsawng tha em em a, a thlengtu tur an ni hi an phur em em a, Zofate a tam thei ang ber kal turin min sawm a ni.
DARCHAWI :
Darchawi an chhuanawm em em na pakhat chu, Tripura Mizo zingah hian officer chhuah tamna khua a ni hi a ni. Tripura State Corporation Board a thawk Pu, Saikhuma IPS te, Tripura Secretariat Tribal Welfare Darector Pu, Laihlia IAS te, Tripura Civil Services (TCS) Officer leh Tripura Police Officer tam tak mai bakah, Tripura MLA term hnih (2) lo ni tawh Pu, DC Hrangkhawl te chenna a ni.
He Kut ah hian a tam thei angber kal tum ila, Zofate inpumkhat na thuthlung hi a alh mek a, tamtak an harh mek a ni. Tan i la sauh sauh ang u….
“Tan rual ni chakna a ni. Zo hnam damreng rawh se…”