Manga Thomte hming tak chu Chinkhanmanga Thomte a ni a. 1991 September ni 16-ah a lo piang a, Pu Chinthanga leh Pi Zenzamawii te fapa upa ber a ni. An un au hi mipa hlir pali (4) an ni a, tunah hian an chhungkua in Hlimen, Aizawl-ah an khawsa mek.
Vaikhawtlang khawchhuak niin, an khua a lehkha a zir zawh hnuin, Ngopa-ah pawl sawm leh sawm pahnih a zir chhuak a, Govt. Johnson College atangin kum 2013 khan B.A a zo. Tunah hian corespondent in IGNOU hnuaiah M.A a zir mek a ni
Manga hi a tleirawl tirh te atangin Zirlai pawl-ah a inhmang chho a, an khua Vaikhawtlang Students' Union (V.S.U) atanga bul tangin Ngopa Students' Union (NSU) leh Constituency huap zirlai pawlah te a inhmang chho a. College a kal chhung khan Students' Union-ah inhmang chhuzawmin, General Secretary leh Vice President hna te a chelh tawh bawk.
College a kal chhungin Mizo Zirlai Pawl (MZP) General Headquarters-ah ex-officio in a awm a, a hnuah Executive Committee Member-ah lut chhoin, 2013-2014 chhung khan Secretary i/c Publicity atan ruat a ni. He tih lai hian MZP Chanchinbu-ah Circular Manager hna a chelh kawp a, R.N.I neih a nih theih nan tha nasa takin a thawh a, chanchinbu a chhuah tur thu a ziak nual bawk.
Manga hian eizawnna avangin Singapore lamah te pawh hun a hmang tawh a, Mizoram a a haw hbuah pawh MZP-ah thahnemngai taka inhmang chhunzawmin, NESO Council Member nihna a chelh ta reng a ni. MZP atanga Zo Re-unification Organisation (ZoRO) General Headquarters a Secretary atana ruat a nih angin, ZoRO-ah hian a tel a, tunah hian General Secretary atan ruat a ni bawk.