Manga Thomte
Pu L. Ramdinliana Renthlei (Pu Lerea) hian a President term hmang zovin, min chhuahsan dawn ta a. Ka ui em em rualin, hmingṭha tak leh a hruai MZP a inhmang mek tam takin ui tak chungin kan thlah tur hi a vannei ka tiin ka lawmpui hle mai.
Pu Lerea hi PUC SU ah Vice President a ni ṭhin a. MZU aṭangin MA (Pol. Sc.) a zawh hnuin MZP ah a active chho leh a, 2009 MZP Election-ah chuh ve in, a vanduai a. Mahse, term tharah Secretary atan ruat niin, 2011 Election-ah AGS atan thlan tlin a ni a. 2013 leh 2015 Election-ah GS atan thlan leh niin 2017 Election-ah President atan chuhtu awm lova thlan tlin a ni.
Pu Lerea hi AGS a in Candidate khan Govt. Johnson College-ah GS ka nih lai a ni a, mi dik leh ṭha nia ka lo hriat a ni. Min be luam lo a, mahse ka ngaisang em em mai a. AGS a nih hnu hian MZP Pisa lang khat deuh ila, SMS min lo thawn a, leng turin min sawm fo ṭhin a. Thingpui in turin kan len phah fo ṭhin a. A dawhkan hmaah kan ṭhu khat ṭhup fo ṭhin a, OB zingah ka nel ber a ni hial awm e.
Kum 2013 a GS a rawn nih khan, kei pawh an duhsakna changin Secretary i/c Publicity atan ruat ka ni a. PR kan draft dun fo a, a zinna apiangah min hruai a, kan in zui nasa ta hle. Press Release phei chu ziak dun ngun viau a, mi ṭhenkhat chuan Pu Lerea Private Secretary i ni min tih phah hial ṭhin. Sub Committee ṭhenkhat a Chairman na hnuaiah Secretary ka ni thei khawp mai a, a chang leh a thusawi tur min draft tir fo ṭhin.
MZP inter HS Quiz a Chairman a nih ṭum te hian, Moderator ah te ka awm a, an inah chaw ka ei fo a, min thlah fo a. In zui tak hi kan ni. MZP hmabak leh kal zel dan tur te hi kan sawi dun fo a, nula lam erawh min sawipui ngai miah lo...!!
Chhungkaw harsatna avanga kum 2 lai ka zin bo dawn pawh khan, lo let leh ngei ngei ang che aw. Nang tluka thawhpui chak ka nei lo tiin Airport a ka awm laiin min rawn bia a. Ka bengah a ri nawn fo ṭhin.
A president na hnuaia OB han nih ve a, ka theihna leh thiamna te ka phak ang tawka hman ve a, a hnung dawltu nih hi ka chak em em a. Pawl hmalakna tur kan sawidun fo te hi a taka tih hi ka chak ber a ni fo ṭhin. Mahse ka duhna ringawt hian a lo theih si loh a. Ka ral thlir lo thei ta si lo a. Ka ui hle mai. Ka thurawn leh ngaihpawimawh zawng ka sawi te a ni tluka min ngaih pawimawh sak a, min ngaihthlak sak an tam lo ang. Thil tam tak erawh ka sawi fo a, min ngaih pawimawh sak fo ṭhin.
Pu Lerea bulah hian rawtna thlen ila, nang tluka chiang an awm lo, mawhphurhna la nghal mai teh hi a ti zel a. Duhtawk a hmalak theihna hun min siamsak mai ṭhin. He theory/ formula hi a ril in, a Birbal-a thawnthu zaih mai. Bible-ah pawh Josefa chanchinah chiang takin kan hmuh kha. Ṭam kum 7 tla tur chungfel tu atan ruat a nih kha.
Pu Lerea hian mi hi a ring hmasa zet a, beisei an phak loh chauhin a ring lo chauh ṭhin a. A mah hua leh beitu pawh a kuah hram hram a, mi rilru tihnat a hreh luatah a changin nep lek lek angin a lang ṭhin.
Nem hmel zet angin lang mahse, mi Extreme tak mai a ni a. Rorum deuh taka kal duh mi a ni a. Issue reng rengah a thling baw hawk duh mi a ni. Tlawm hreh ngawih2 mi a ni a, champion loh duh lo bur mi a ni. _"Nawr hmiah mai tur..."_ tih hi a sawi uar pawl a ni.
Zophai kan buai chungchangah te khan, Sawrkar lamin thil tam tak an offer ve. Bek bawr pawh an tum fo. Mahse a ni chu a in veng tlat a. Duh nise nun nawmna tur khawp hi a hmuh theih phah dawn. Mahse chung zawng zawng chu a hnar ngam a. Huaisen takin hma a lak ngam phah.
Zophai buai khan; sawrkar aṭangin ramri chungchang a nih loh chuan a rukin engmah rawn sawi tawh suh u... Chutiang ti in awm chuan social media-ah ka pho lang ang... ti hmiah tu chu Pu Lerea hi a ni. A hunah chuan MLA/ Minister pawh nise, an call takngial pawh a la lo mai. Hetiang mi a nih avangin a President chhungin, issue lak mek... Zanlaiah emaw, laklawh deuhin ṭhulh a ni ngai lo.
Pu Lerea mizia a ropui deuh mai pakhat chu, mi thurawn a dawngsawng thiam hi a ni. Tu pawhin thurawn pe se, a ngaithla vek a, ṭha dawna a hriat chu a ti mai a. Chutih laiin tu Politician emaw MZP hruaitu hlui thu thuin a awm, ti a sawi turin a awm meuh lo. A changin hruaitu hlui te pawh a kheng deuh zauh ṭhin. Amaherawh chu a zah em em thung si a ni.
Tih fuh tawk loh pawh a nei ang, mi famkim a ni ka ti hauh lo. Mahse, President ka hrawn tawh ropui tak tak te zingah chuan ka nel ber leh, ka ngaihsan ber te zinga pakhat a ni a. MZP khiah min dah a, MZP a vawrh kang a, MZP chawisang tu a ni tih hi phat rual a ni lo.
A President chhungin; MZP nih a nuam a, MZP miin min dah lian a, hnam tan thil ropui tak a ti a. Sawrkar pawhin min ngaipawimawh khawp in ka hria.
L. Ramdinliana Renthlei tiin Google-ah search ula, second tlemte chhungin sing tel a zawng hmù ang. Hei hian tunlai IT khawvelah eng emaw entir a nei a ni. NGO dang President te ti ve chhin ula.. A awmzia a hriat mai. 😊😊
A sei lutuk dawn, Pu Ramdina hi a kal zelna turah duhsakna sang ber ka hlan a. Khawi hmunah pawh awm se... Hlawhtlinna leh vanneihna in a um zui zel ang. Malsawm tlakin a nung tlat a ni.
MZP pawh min hnuchhawn mai lo se, fuih kan ngaihna apiangah fuihin min vil zui zel se tiin ka ngen nghal e.
A tawpna atan, nupui neih a hun tawh viau a ni.