MSO JOINT HEADQUARTERS FRESHERS' SOCIAL VAWI 45-NA

Chinkhanmanga Thomte, Asst. Gen. Secretary MZP

Kar kalta ni 24th September, 2022 (Inrinni) khan Mara Students' Organisation (MSO) Joint Headquarters Aizawl buatsaih, "45th Annual Freshers' Social- 2022" chu Vanapa Hall-ah thawhpuite ruahmanna in ka hmanpui. 

Vanapa Hall khat tlatin MSO memberte an lo pungkhawm a, thusawi laiin an reh thap a. Kut ben hun leh lam hun pawh an hria. An changkang ka ti hle, ka ngaisang. 

Ka thusawi thenkhat:- 

1. Aizawl hi tu ta bik mah a ni lo a, kan zavai ta a ni. Zofa zawng zawngte Jerusalem a ni. Tlangnel deuhin i awm ang u. 

2. Mizo hnam hi Mara, Lai, Paite, Hmar, Bawm, Pang... etc tello in a kim lo, kan zavai kalkhawm-in he hnam hi kan siam a ni. Kan inti mikhual tur a ni lo. 

3. Kan hnam bil ṭawngte pawh hi kan zahpui mai tur a ni lova, Zofa hnam ṭawng hrang hrang zinga pakhat a ni. 

4. Siaha Distt. leh hmun hla tak tak atangin, sum tam tak sengin Aizawl kan pan khawm a. Thiam zir turin kal khawm kan ni. Heta kan awm chhan kan chian a ngai a, sual leh ṭha duhthlan tur kan nei vek bawk. Thil ṭhalo (sualna) zir turin in lo kal lo tih hria ula ka duh a ni. 

5. Thiamna tak tak zirchhuak a, kan ram leh hnam leh Mara ram tana mi hmantlak, innghahna nih tum theuh tûrin ka fuih che u a ni.