Remna Ni 2025 lawm a pui ber MZP General Headquarters buatsaih, Lammuala neihah Organising Secretary Pu Chinkhanmanga Thomte report:-
A. Pu Chairman Dr. C. Lalremruata, Khuallian Pu Lalduhoma Chief Minister, Hunserh min hman saktu Council of Churces in Mizoram GS Rev. Dr. Lalhmangaiha, Minister, MLA, Party hrang hrang hruaitu, Sawrkar officials, NGO a kan thawhpui, Prominent Citizens, BSF, Assam Rifles, Myanmar MP, zirtirtu leh ka zirlai pui duhawm tak takte REMNA NI 2025 Organising Committee leh MZP General Headquarters hmingin Remna Ni Chibai ka buk a che u.
B. Mizote dinhmun sang zawka kan din theih nan leh, Khawvel-ah hnam anga kan din chuah theih nan kum 1966 khan MNF in Independence an puang a. Chumi avang chuan Mizo mipuite chu kum 20 chhung; tuboh leh dolung inkarah awmin, Jet fighter hmang a beih, pawngsual, man, vuak, khaw khawm, kahhlum, ambush, cerfew tihte chu Mizoram nitin boruak leh nunphung a ni. A rap thlan hle.
C. Hetiang dinhmun hi Mipuite tan a her awm em avangin leh tawrh zawh chi a nih loh avangin, “Remna leh muanna” chu mitin lung kham leh duh a ni a. Mizo mipuite tawngtaina, Kohhran, Political Party hrang hrang, Zirlai pawl hruaitute leh mi thahnemngai ten theihtawpa an hmalak na avangin June ni 30, 1986 khan Peace Accord sign a lo ni ta a. Remna leh muanna kan lo nei ta.
D. Tunah hian kum 39 lai ral tawh mahse, he Remna hi a nep lova, a la hlu reng a, theihnghilh mai mai chi a nih loh avangin MZP chuan kum 2018 atang khan kum he hun hi a hmang ziah a. A la hmang zel bawk dawn a ni. Remna Ni kan lo hman tawh dan chu:—
- 2018- PUC Multicomplex Hall
- 2019- Lammual
- 2020- Ignite Studio, Khatla
- 2021- Covid avangin hman ani lo.
- 2022- Aijal Club
- 2023- Vanapa Hall
- 2024- LPS Arena
- 2025- Lammual
2019: Rev. Dr. H.S. Luaia, Rev. Dr. Zairema, Rev. Dr. Lalngurauva Ralte, Pu Lalduhoma
2022: Rev. Dr. Lalsawma
2023: Mizoram Kohhran Hruaitute Committee (MKHC)
2024: Pu J.H. Rothuama, Pu P. Lalupa, Pu Lalthanzauva, Pu Ngurchhina
Kum lo kal zelah chawimawina pek zel tum a ni.
F. MZP chuan, REMNA NI hi lungrual takin, inrem takin Mizo mipuite ten hmang ho thei ila tih hi a duhthusam a ni a. He ni a lo thlen apianga, Siam that theih tawh loh thil hlui sawi chhuaha, midang sawichhiat leh midang khei rana thusawite simin bansan thei ila a duh a. Inhnialna atthlak bansan turin Mizo mipuite a ngen a ni.
G. Zirlaiten Remna Ni hlut deuh deuh ila, Remna a awm theih nana thahnemngai taka lo thawk leh, ke lo pen tawhtu zawng zawngte kan hre rengin vawiinah hian zahna chibai kan hlan a. Kan hre reng che u a ni.
H. A tawp berah chuan, Zirlai leh sikul lo tel zawng zawngte chungah lawmthu kan sawi tak meuh meuh a. Items rawh nei zawng zawngte leh, Remna Ni flag 5000 min leisak leh min zawrhsaktute chungah kan lawm a. He Ground a thlawna min hman tirtu CM leh Aizawl DC chungah lawmthu kan sawi e.
Remna siamtute chu an eng a thawl e, Pathian faa vuahin an la awm dawn si a.
Social Plugin