Indian Red Cross Society Mizoram State Branch hi Mizoram-ah din a ni fo tawh thin a. A nung zui lo fo thin. Kan mamawhna a sang lutuk lo te pawh a ni ang.
Tuna kan Governor Gen. (Dr.) V.K Singh hian tuai thar a duh avangin, a hmaa Committee awm tawhsa chu tuai thar leh a ni ta a. MZP pawh Committee-ah kan tel ve zel a. Pawl aiawhin Asst. Secretary mawhphurhna min pe ve a ni.
Programme hmasaah ka tel hman si lova, tun tum ni 24 July, 2025 a Govt. Aizawl North College Youth Red Cross hawnna hunah erawh ka tel ve thei hlauh a. Report pêkna hun ka chang hlauh mai.
Red Cross movement hi khawvelah hian a lo lian-in, a lo turu hle mai a. Indona leh khuarel chhiatna thlenna hmunah a hnathawh a ropui hle a. Nobel Peace Prize pawh a lo dawng hial tawh a lo ni.
Mizoram-ah pawh kan tel ve hnuah, Oxygen Concentrator leh Blanket thahnem tak kan pe chhuak tawh a. Bungraw dang pawh kan la sem zel dawn a ni awm e.
Ka report:-
A. Respected and Honorable Governor of Mizoram, General (Dr.) V.K. Singh, President of the Indian Red Cross Society, Mizoram State Branch,
We are deeply honoured and delighted by your gracious presence at today’s programme.
B. Respected Office Bearers of the Indian Red Cross Society, Mizoram State Branch, Higher & Technical Education Department Director, Principal, esteemed faculty members, and dear students of Government Aizawl North College,
Good afternoon.
C. It is my privilege to present a brief report on the Indian Red Cross Society, covering its history and the activities of the Mizoram State Branch.
D. With your kind permission, I shall now continue my speech in Mizo for better understanding and communication.
E. Report:-
- International Red Cross Society / Red Crescent Movement an tih ve bawk hi kum 162 kalta, 1862 February ni 9 khan Geneva-ah din a ni a. Khawvel pumah volunteers 16 million vel a nei mek. Khawvel chawimawina sang Nobel Peace Prize pawh a lo dawng nual tawh a ni.
- Indian Red Cross Society hi kum 1920 khan Act of Parliament (Indian Red Cross Society Act. 1920) hnuaiah din a ni a. India ram puma kan President chu India President hi a ni. India ram pumah Branch 1200 lai a nei mek a. International Red Cross nen a inzawm a ni. National Headquarters 1 Red Cross Road, New Delhi-ah a awm.
- Indian Red Cross Society, Mizoram State Branch hi Mizoram-ah pawh din a lo ni fo tawh thin a. A kaltluang lo fo thin a. Kuminah kan Governor thar hian tuaithar leh a duh avangin, a hmaa a ruangam lo awm tawhsa chu tharthawh leh a ni ta a ni. President = Governor, Chairman = Pu H. Lalengmawia IAS (Health Secretary), Secretary = Dr. Chawnglungmuana, Jt. Secretary = Dr. Benjamin Lalrinpuia, Asst. Secretary = Chinkhanmanga Thomte & Zodinsanga, Treasurer = Francis Lallawmkima. Ex Officio members an awm nual bawk.
- IRCS Mizoram state branch hian:
- Ni 10 July, 2025 khan Govt. Aizawl College-ah IRCS Mizoram State Branch tharthawhna hun leh First Aid training neih a ni.
- Govt. Aizawl College, Disaster Management & Rehabilitation Deptt., Salvation Army leh Home hrang hrang hnenah Blanket, Oxygen Concentrator te pek a ni tawh a. Training pawh a tul anga pek zel tum a ni.
- Youth Red Cross member ni theuh turin ka sawm che u a ni.
5. Thank You, ka lawm e.
Social Plugin