Chin Kum Thar Puai 2024 chu ni 29 October, 2024 (Thawhṭan) zan khan Vanapa Hall-ah Chin Pawlpi
Mizoram huaihawtin hman a ni a. MZP aiawhin thawhpuite nen kan va tel ve.
He Hunah hian Pu Lalmuanpuia Punte Adviser to Chief Minister chu khuallian a ni a, MZP bakah; CYMA, ZoRO leh MSU te pawh a tel a, thu kan sawi hlawm. Zaithiam tak takte an zai bakah MZP Cultural Performing Troupe ten lam mawi tak an entir.
Thusawina hun han neih takah chuan, vei hi a lo tam ve khawp a. Ka thusawi tlangpui chu:-
1. Zoram kan tih hian, Zofa zawng zawngte chenna a huam vek a. Burma, India leh Bangladesh a Zofate chenna zawng zawng a huap a ni. Chuvangin, Burma leh Bangladesh bakah Manipur buaina hi Zoram chhung buaina a ni. Zoram chhungah hian Chin- Kuki- Mizo & Zomi te kan cheng a. In thenhrang thei kan ni lo. I inpumkhat ang u.
2. Buaina avangin Mizoram kan pankhawm mek a. Kan inpui a, kan in kuangkuah a. In harsatna hi kan harsatna a nih avangin, kan in pui a ni. Kan inpui zel ang. Mahse, misual leh dan pawisa lo, dan bawhchhiate chu an thlavang kan hauh dawn lo. Danin an chungah ro a rel ang.
3. Ka ngenna:-
i. I inpumkhat ang u. Hmelma thuhmun nei kan ni. Tharum a inbeih hian hlawkna a nei lo. Policy inang lo chu, Politics-in i inbei ang u.
ii. Khawtlang tan hnawksak in i awm lo ang u.
iii. Misualte tuman kan hum dawn lo.
iv. Kohhran leh Khawtlang i bel ang u. I in la hrang lo ang u. Khawtlang dan i pawisa ang u.
v. Mahni hnam zia leh ṭawng i humhalh ang u. Chutih rualin, mi tam berin kan hman tawng leh zia hi zir ve ang u.
4. Zofate insuihkhâwm hi kan hmathlir, kan dream a ni. MZP kan pawl thiltum-ah pawh chiang takin a inziak a ni.
Social Plugin