Young Chorei Association (YCA) Silver Jubilee & Khambar 2025

Young Chorei Association (YCA) Silver Jubilee & Khambar 2025 chu ni 10 January, 2025 khan Magura,

Assam-ah neih a ni a. MZP General Headquarters Finance Secretary Pu Rothanliana, Nl. PC Lalngaihawmi Secy. i/c School Education leh Lalkroshlua President MZP Headquarters Mamit-te nen hmanpui. YCA hruaitute leh Thangram Indigenous Peoples' Movement (TIPM) hruaitute min dawnsawn naah kan lawm takzet. Min lo duat hle.

YCA hi kum 2000 khan din a ni a. An Headquarters ṭhuthmun chu Damcherra, Tripura a ni. A pawl motto chu— "Inroulna hi ratna" [Ṭanrual hi chakna] a ni a. MZP Motto nen a inang chiah a ni. 

YCA te hi MZP buatsaih Zofest-ah an lo kal ṭhin a. An hnam lam leh incheinate an rawn entir thin a, kan inpawh hle a ni. Programme neihna Magura hi Thangram chhung a ni a. Manikbond nen a inhnaih avangin, TIPM GS Pu Edena tenah kan riak. 

YCA te hian min lo duhsak hle a, thusawina hun min pek bakah, Jubilee dar min vuak tir bawk a. An hnam diar min khim tirin, YCA Jubilee sash min awrh tir bawk a. Hriatrengna lehkhabu min tlangzarh tir bawk. Jubilee ruai kan theh nghal. Hetiang hi ka vawi khat tawnna a nih avangin, engtikah mah ka theihnghilh tawh lovang. 

Kham lo taka hawsanin, Mualmawi (Baruatilla) Thangram lamah kan riak leh a. TIPM Cultural Meet vawi 1-na kan neih laite rilruah a lo thar uar uar mai. 

Vannei a siamin, Pipla-ah Khanglai Futsal Tournament Semi Final zanah kan va en thei bawk a. Thusawina hun min pek bakah, min chawimawi thiam hle a. Ka phu lo takzet a ni. 

Ka thusawi tlangpui:—

Karaisan..!