Mara Students' Organisation Jt. Hqrs. Aizawl buatsaih, Freshers' Social 2023 chu Mizoram University Multipurpose Hall-ah ni 14th October, 2023 (Inrinni) khan neih a ni a. MZP General Headquarters aiawha telpui tura ruat kan nih angin, kan Fin. Secretary Pu Rothanliana nen kan zuk telpui.
He huna ka thusawi tlangpui:-
1. MZP leh Hnampual zirlai pawl-te hian thawhhona ṭha tak kan nei ṭhin a, MSO leh MZP thawhhona pawh a ṭha hle a. Kan in mamawh hunah kan in pui tawn thin a, in harsatna hi kan harsatna a ni a.
2. MZP chu Zirlai Pawl kan ni a, vawiina Zirlai lo tel zawng zawngte telna pawl a ni. In harsatna leh puih in ngaihnaah MSO kaltlangin lo thlen ṭhin ula, in tan kan awm reng ang.
3. Mara hnam hi, hnama chiang tak mai in ni a. In hming leh ṭawng in humhalh ṭha a. Ka ngaisang hle che u a ni. Mahni hnam leh ṭawng hi kan zahpui mai tur a ni lo a. Kan humhalh tur a ni. Chutih laiin Zofate vek kan ni a, Mara kan nihna humhim chungin Unau kan nihna/ Zofa kan nihna hi kan chawinung tur a ni.
4. Mizo kan tih hian Mizo bik tumah an awm lo a, Zofa hnam chi pêng hrang hrang inchhungkhawm in a siam a ni. Chuvangin Mara tak chungin a Mizo theih a. A inti neitu apiang lenna a ni.
5. Vawiina ka thusawina ṭawng hi, Lusei tawng a ni a. Mizo ṭawng zinga pakhat ve mai a ni rih. Mara ṭawng pawh Mizo ṭawng tho a ni a. Inthlahrunna tur a awm lo. Kan hman tlan theih tawng (Mizo ṭawng) hi a lo la chhuak ang.
6. Vawiina kan hun hman chhan, Freshers te kha eng ti turin nge Aizawlah in lo kal? Lehkha zir turin nge, sual kawng zir turin. Aizawlah hian thil tha a awm rualin, thil tha lo zawng zawng pawh a awm ve vek.
7. In nu leh pate'n an neih chuangliam ni lo, an neih chhun chhunin an backup che u tih hre reng turin ka fuih duh che u a. In nu leh pate'n an ei ai, an thawmhnaw thar man aiin an chawm che u a ni.
9. In khuaa in haw leh hunah; in chhungkua, in khawtlang, in district, kan ram Mizoram tan mi hmantlak, mi thawhhlawk tak ni turin duhsakna sang ber ka hlan a che u.
For GOD and MARALAND
Social Plugin